Gure bizi-baldintzek
gure bizitza baldintzatzen dute? Bizi-baldintzak berdinak dira
herrialde guztietan? Munduko herrialde guztietan bizi-baldintza berdinak
dituzte bizitza duina izateko? Baliabideek eragina dute pertsonen
bizi-itxaropenean?
Hau da, non jaio ala bizi?
Hau da LH6 mailako ikasleak
une honetan bete-betean ikertzen ari direna.
Lehen urrats modura Ikergai
orokorrari heldu diote eta aipatutako galderen inguruan hausnartu dute.
Bigarren urrats batean gaia
mugatu egin da Ikergaia oso orokorra zelako eta ezin zelako munduko herrialde
guztiei buruzko datuak jaso eta konparatu. Beraz, lehenik Euskal Herria
ikertzen ari dira ondoren Senegalekin segitzeko.
Ikerketarako pausoak ongi
planifikatu ondoren ekin diote lanari helburu batekin: aldez aurretik
formulatutako hipotesiak zuzenak diren ala ez jakin. Ikerketa amaitutakoan
baloratuko dituzte formulatutako hipotesiak zuzenak izan diren edo ez.
Horren harira, Euskal
Herriko egoera ezagutzeko, elkarrizketak antolatu dituzte informazioa jasotzeko
asmoarekin. Prestatu dituzten galderak hiru faktore hauen inguruan izan dira:
Hezkuntza, Osasuna eta Zerbitzuak edo bestelako baliabideak.. Osasunari buruzko
informazioa jasotzeko Oihana Mugikari, Donostiako ospitaleko erizaina, egin
diote elkarrizketa. Hezkuntzari buruzko galderak Inaxio Retegik,
ikastolako irakasle ohiak, erantzun ditu. Eta, zerbitzuei buruzkoak
Eneritz Arbelaitzek, alkate-ordeak, erantzun ditu.
Hiru elkarrizketak ikastolan
egin dira, hirurak momentu berean baino gela desberdinetan. Eskertzekoa da hiru
elkarrizketatuen borondatea eta jarrera. Ikasleak oso gustura egin dizkiete
aldez aurretik gelan prestatutako galderak eta beraien hitzetan oso
interesgarriak izan dira hirurak.
Hurrengo astean, datuak
bildu ondoren, jasotako erantzunak kontuan izanda, ondorioak aterako dituzte
eta Senegaleko egoeraren ikerketari hasiera emango diote.
iruzkinik ez:
Argitaratu iruzkina