Lehen Hezkuntza 5-6

2018(e)ko ekainaren 25(a), astelehena

2018(e)ko ekainaren 16(a), larunbata

2018(e)ko ekainaren 12(a), asteartea

ARNASA (Gipuzkoako Fibrosi Kistikoaren Elkartea)

ARNASA (Gipuzkoako Fibrosi Kistikoaren Elkartea)rentzako Elkartasun postua jarri zuten LH6mailako kideak, gaur ARNASA taldeko ordezkariekin elkartzeko aukera izan dute.

MUSIKA EMANALDIA

Urmendin izan dira LH6 mailako zenbait kide. Jolas garaian prestatu dituzte bertan eskainitako musika, kanta eta erritmoak. Bejondeizuela!

2018(e)ko ekainaren 8(a), ostirala

HAZIAK LH6

Azken asteetan Haziak proiektua landu dugu LH6kook. Harremanak lantzeko beste modu bat bizitu dugu, eta, bertan, laguntasuna, ezetza esaten jakitea eta barneko korapiloak nola askatu aritu gara.

Bukatzeko bost askabide egin ditugu: esan DJ-arekin, esan Raparekin, esan Hormargoturekin, esan gorputzarekin eta esan erritmoarekin. Ongi pasatzeaz gain gure harremanak nolakoak diren eta nolakoak izatea nahi dugun pentsatzeko balio izan digu.

Argazki sorta KLIK batean

2018(e)ko maiatzaren 24(a), osteguna

EGUN PASA URDABURU INGURUAN

Ekosistema gaiari hasera emateko asmoz, Urdaburu inguruan pasa dugu eguna. Gure Aiako Harriko Natura Parkearen eremu zabala ezagutzeko aukera ere izan dugu.

Baso barrena ibiliz, geldiune desberdinetan geologia, landaretza, fauna, gizakiaren eraginak, … ezagutzen joan gara. Putzutako uhandre eta igelak, hauen zarata, gurea, txitxiburduntzien hegaldia, … udaberriaren lekuko zuzenak izan gara.

Bide batez, gure arteko harremanak sendotzeko ere aprobetxatu dugu elkar zainduz (begira bestela bideoan, Maddik lokatz tarteak errazago pasatzeko egurrez antolatutako zubia) eta bata bestearekin dibertituz. Hala moduan iritxi dira gure aztalak, sasitan larrututa (mendira galtza luzez joan behar baita!).

2018(e)ko maiatzaren 17(a), osteguna

DBH ETAPAREN AURKEZPENA

Gaur DBHko ikasle eta irakasleek aurkezpena egin digute LH6kooi. Orain LH6an gaudenok
laster DBHn egongo gara eta etapa berrian izango ditugun aldaketa nagusiak azaldu dizkigute:
ordutegia, irakasgaiak, chromebook-en erabilera, hautazko irakasgaiak …

Bikain azaldu digute dena eta prest egon dira gure zalantza guztiak argitzeko.

ESKERRIK ASKO!!!!